पोखरा, प्रहरीले पोखरामा एक महिलाको शरीरबाट भित्री वस्त्र ब्राभित्र लुकाएर ल्याएको सुन बरामद गरेको छ ।
प्रहरीले झापाको बिर्तामोड घर भई काठमाडौँको जोरपाटी बस्दै आएकी ४५ वर्षीय कल्पना गुरुङलाई २४ तोला सुन सहित पक्राउ गरेको हो ।
वडा प्रहरी कार्यालय बैदामबाट खटिएको प्रहरी टोलीले काठमाडौँबाट पोखरा आएको ग १ ख ९९४४ नम्बरको बसमा सवार उनलाई पोखरा बसपार्कमा बिहान साढे ७ बजे बसबाट झर्ने क्रममा पक्राउ गरेको हो।
गुरुङको शरीर खानतलासी गर्दा बिस्कुट आकारको सुनजस्तो देखिने पहेँलो धातु छातीमा टेप बाँधेर भित्री कपडाभित्र लुकाएर राखेको अवस्थामा फेला परेको प्रहरीले जनाएको छ ।
प्रहरीका अनुसार पक्राउ परेकी गुरुङमाथि थप अनुसन्धान थालिएको छ ।
Posts
