लमजुङ, साउन २७ गते । लमजुङमा जिप दुर्घटना हुँदा नौ जना घाइते भएका छन् ।
राइनास नगरपालिका–१० प्यारजुङबाट सुन्दरबजार नगरपालिका–९ भोटे ओडार आउँदै गरेको ग १ ज ६३६९ नम्बरको यात्रुवाहक जिप शनिवार बिहान पौने ११ बजे दुर्घटना हुँदा नौ जना घाइते भएका हुन् ।
जिल्ला प्रहरी कार्यालय, लमजुङका प्रहरी निरीक्षक एवम् सूचना अधिकारी जगदीश रेग्मीका अनुसार चालक सुन्दरबजार नगरपालिका–९ भोटे ओडारका ३० वर्षे पूरण गुरुङ दायाँ हातमा चोट लागेको छ भने बाँकी ८ जनाको अवस्था सामान्य रहेको छ ।
चालक गुरुङलाई थप उपचारका लागि चितवन रिफर गरिएको छ ।
घटना सम्बन्धमा थप अनुसन्धान भइरहेको प्रहरीले जनाएको छ
Posts
