गुल्मी , भाद्र २ गते । फेसबुकमा बिदाइको मेसेज लेखेका वडा अध्यक्ष साढे दुई घण्टापछि मृत भेटिएका छन् ।
आफ्नो फेसबुक वालमा ''घर परिवार, साथीभाइ, शुभचिन्तक सबैसँग माफी चाहन्छु , अल बिदा'' भनेर पोष्ट गरेका गुल्मीको मुसिकोट नगरपालिकाका वडाध्यक्ष मोहन घिमिरे मृत भेटिएका हुन् ।
परिस्थितिको चपेटामा परेको भन्दै आफू बाच्नुको अर्थ नभएको स्ट्याटस लेखेका वडा अध्यक्ष घिमिरेले आत्महत्या गरेका हुन् ।
उनी शुक्रबार दिउँसो घरबाट निस्केका थिए । घर नफर्किएपछि खोजी गर्दा उनी घर नजिकैको रूखमा झुन्डिएको अवस्थामा मृत भेटिएका थिए ।
फेसबुक स्ट्याटस लेख्दै उनले भनेका थिए “परिस्थितिको चपेटामा परेपछि बाच्नुको अर्थ हुँदो रहेनछ । प्रिय अनिता, साथ निभाउन सकेन, मलाई माफ गरे, घर परिवार, साथीभाइ, शुभचिन्तक सबैसँग माफी चाहन्छु । अल बिदा ।”
घटना सम्बन्धमा थप अनुसन्धान भइरहेको प्रहरीले जनाएको छ ।
Posts
