पोखरा, ८ गते भाद्र । पोखरा १५ नयाँ गाउँमा अवस्थित मेरिगोल्ड अङ्ग्रेजी आवासीय मा. वि. मा बुद्धिचाल (चेस) प्रतियोगिता सम्पन्न भएको छ ।
विद्यालयले प्राथमिक तह र माध्यमिक तहका विद्यार्थीहरूबिच छुट्टाछुट्टै रूपमा बुद्धिचाल प्रतियोगिता सम्पन्न गरेको हो ।
प्रतियोगितामा जुनियरबाट कक्षा ५ का एलिस बुढाथोकी र कक्षा ६ का आरोग्य श्रेष्ठले क्रमशः प्रथम र द्वितीय स्थान प्राप्त गरेका थिए ।
त्यस्तै सिनियर तर्फ कक्षा ८ का विद्यार्थी आयुष गहतराजले प्रथम स्थान प्राप्त गर्न सफल भएका थिए भने कक्षा १० का आयुष विश्वकर्माले द्वितीय स्थान प्राप्त गरेका थिए ।
कार्यक्रममा ७० जना विद्यार्थीको सहभागिता रहेको थियो ।
Posts
