पोखरास्थित मणिपाल शिक्षण अस्पताल तनावग्रस्त बनेको छ । उपचारको क्रममा बिरामीको ज्यान गएपछी अवस्था तनावग्रस्त बनेको हो ।
उपचारमा संलग्न चिकित्सकमाथि नै हातपात हुन थालेपछि अस्पतालमा ठूलो सङ्ख्यामा प्रहरी परिचालन समेत गरिएको थियो ।
उपचारका क्रममा बिरामीको अवस्थाबारे कुनै जानकारी नदिइएको र अस्पतालकै लापरबाहीका कारण मृत्यु भएको मृतकका आफन्त बिरोधमा उत्रिएका हुन् ।
असहज महसुस भएपछि लमजुङकी ५७ वर्षीया सुकमाया दुरा लाई हिजो बिहान उनका आफन्तले अस्पताल भर्ना गराएका थिए । उपचारको क्रममा उनको ज्यान गएको थियो ।
आक्रोशित भीडले अस्पतालको ढोकाको सिसासमेत फुटाएको प्रहरीले जनाएको छ । चिकित्सकमाथि हातपात भएको भन्दै स्वास्थ्यकर्मीले पनि विरोध जनाएका थिए ।
Posts
