आश्विन ८ गते , पोखरा महानगरपालिका वडा नम्बर १५ नयाँ गाउँमा अवस्थित मेरिगोल्ड अङ्ग्रेजी आवासीय मा वि मा निःशुल्क दन्त स्वास्थ्य शिविर सम्पन्न भएको छ ।
पोखरा नयाँ बजारमा अवस्थित पश्चिमाञ्चल डेन्टल होम प्रा लि को सहकार्यमा विद्यालयले निःशुल्क दन्त स्वास्थ्य शिविर सम्पन्न गरेको हो ।
एक दिने निःशुल्क दन्त शिविरमा कक्षा नर्सरी देखि १० कक्षा सम्मका बालबालिकाहरूले दन्त स्वास्थ्य जाँच गराएका थिए ।
शिविरमा पश्चिमाञ्चल डेनटल होमका प्रमुख कार्यकारी अधिकृत हेमनारायण चापागाईँ, डा. कलम चापागाईँ र दन्त प्राविधिक रामु कुमारी श्रेष्ठको प्राविधिक टोली रहेको थियो ।
परीक्षण गराएका मध्ये केहीको स्केलिङ, केहीको दाँत भर्न पर्ने केहीको आर. सि. टी र केहीको दाँत झिक्नु पर्ने र धेरैको दन्त स्वास्थ्य राम्रो रहेको डा. कमल प्रसाद चापागाईँले बताउनुभयो ।
विद्यालय तहका विद्यार्थीहरूमा दाँतसँग सम्बन्धित रहेर विभिन्न किसिमका समस्या देखिने गरेको र त्यस्ता समस्याले उनीहरूको पढाइमा समेत प्रत्यक्ष असर पुर्याउने भएकाले विद्यार्थीहरूको दन्त स्वास्थ्य परीक्षण राखिएको विद्यालय संस्थापक मोतीराम गुरुङले बताउनुभयो ।
Posts
