स्याङ्जा, २९ गते भाद्र । स्याङ्जाको अर्जुनचौपारी गाउँपालिकाले आयोजना गरेको वक्तृत्वकला प्रतियोगितामा सरस्वती आधारभूत विद्यालय आग्रिखर्क प्रथम भएको छ ।
पालिकाले आयोजना गरेको उक्त कार्यक्रममा आधारभूत तर्फ सरस्वती आग्रिखर्कका एन्जल थापा प्रथम भएका हुन् ।
बालबालिकामा लगानी सुनिश्चित भविष्यको थालनी भन्ने मूल नारा सहित देशभर मनाइएको ५९ औँ राष्ट्रिय बाल दिवसको अवसरमा अर्जुनचाैपारी गाउँपालिकाले आधारभूत र माध्यमिक तह स्तरीय वक्तृत्वकला प्रतियोगिता सञ्चालन गरेको थियो ।
पालिका प्रमुख प्रकाश तिवारीको अध्यक्षतामा सम्पन्न उक्त कार्यक्रममा आधारभूत तर्फ जन मा. वि. रापाकोटका अनिश चापागाई द्वितीय भएका थिए । त्यस्तै शीतला ई. बो. स्कुलकी सप्रिया क्षेत्रीले तृतीय स्थान प्राप्त गरेका थिए ।
त्यसै गरी माध्यमिक तह तर्फ घण्टे मा. वि की सुस्मिता शर्माले प्रथम , पञ्चकन्या मा. वि.का अशोक ढकालले द्वितीय र अर्जुनचौपारी चिलेन्ड्रस एकेडेमीकी दीपिका अर्यालले तृतीय स्थान प्राप्त गरेका थिए ।
Posts
