स्याङ्जा- स्याङ्जामा बालिका जबरजस्ती करणी गरेको आरोपमा एक पुरुष पक्राउ परेका छन् ।
जिल्ला प्रहरी कार्यालय स्याङ्जाले बालिका जबरजस्ती करणी गरेको आरोपमा स्याङ्जाको पुतली बजार नगरपालिका १३ का ५५ वर्षीय रामेश्वर नेपालीलाई पक्राउ गरेको हो ।
जिल्ला प्रहरी कार्यालयका प्रहरी नायब उपरीक्षक रवीन्द्र खनालका अनुसार १३ वर्षकी बालिकालाई पटक पटक जबरजस्ती करणी गरेको आरोप नेपालीमाथि लागेको छ ।
''नेपालीले १३ वर्षकी बालिकालाई पटक पटक जबरजस्ती करणी गरेको जाहेरी कार्यालयमा आएपछि यही असोज ६ गते पक्राउ गरिएको हो ।'' उपरीक्षक खनालले भन्नुभयो ।
पक्राउ परेका नेपालीलाई जबरजस्ती करणी मुद्दा दर्ता गरिएको समेत प्रहरीले जनाएको छ ।
प्रहरीका अनुसार घटना सम्बन्धमा थप अनुसन्धान भइरहेको छ ।
Posts
