पोखरा- कास्कीबाट एक जना मेडिकल सञ्चालक लागू औषध सहित पक्राउ परेका छन् । वर्ष २८ को सबिन चौधरीले लागू औषध बेचबिखन गरेको भन्ने गोप्य सूचनाका आधारमा वडा प्रहरी कार्यालय बैदामबाट खटिएको प्रहरी टोलीले पक्राउ गरेको हो ।
सर्लाही ईश्वरपुर न.पा. १ स्थायी घर भएका चौधरीले हाल जिल्ला कास्की पोखरा महानगरपालिका वडा नं.६ लेकसाईड डिहिगोपाटनमा जिना मेडिकल हल सञ्चालन गर्दै आइरहेका थिए ।
खानतलासी गर्ने क्रममा लुकाई छिपाई राखेको लागू औषध डाईजापाम २८ एम्पुल, फेनारागन ३१ एम्पुल, नुर्फिन २९ एम्पुल गरी जम्मा ८८ एम्पुल लागू औषध बरामद भएको प्रहरीले जनाएको छ ।
प्रहरीका अनुसार निजलाई पक्राउ गरी सम्मानित कास्की जिल्ला अदालतको आदेशले लागू औषध सम्बन्धी मुद्दामा अनुसन्धान प्रक्रिया अगाडी बढाएको छ ।
.png)
.png)
.png)
.jpg)
.jpeg)
Posts
