पोखरा, कात्तिक १५ । लेक लागेर अन्नपूर्ण बेसक्याम्पबाट हेलिकप्टरमा पोखरामा ल्याइएका प्रहरी सहायक निरीक्षक टिकाराम ढुङ्गानाको ज्यान गएको छ ।
हिँडेर फर्किँदै गर्दा हिमालय भन्ने ठाउँमा गए राति बास बसेका ढुङ्गानालाई बिहान श्वासप्रश्वासमा समस्या भएपछि पोखरा ल्याइएको थियो । ल्याउनेबित्तिकै उनलाई चिकित्सकले मृत घोषणा गरेको कास्की प्रहरी प्रमुख एसपी मोहन थापाले जानकारी दिए ।
संयुक्त राष्ट्र सङ्घका महासचिव एन्टोनियो गुटेरेसको सुरक्षाका लागि अन्नपूर्ण बेसक्याम्पमा खटिएका थिए ।
पर्वत निवासी ढुङ्गाना घान्द्रुकमा कार्यरत रहेका थिए । ढुङ्गाना गुटरेसको सुरक्षाका लागि १२ कात्तिकमा हेलिकप्टरमा अन्नपूर्ण आधार शिविरमा पुगेका थिए ।
Posts
