स्व जोशीका भतिज साहित्यकार सुन्दर प्रसाद जोशी (बादल) द्वारा लिखित पुस्तक 'सम्झनामा काका कृष्णबहादुर जोशी ' नामक पुस्तक विमोचन सम्पन्न भएको हो ।
पोखरामा सम्पन्न भएको कार्यक्रम पोखरा -१५ का नेपाली काङ्ग्रेस वडा समितिका सभापति सुशील राज पराजुलीको अध्यक्षतामा सम्पन्न भएको हो ।
नेपाली काँग्रेस गण्डकी प्रदेश सभापति शुक्रराज शर्माको प्रमुख आतिथ्यमा सम्पन्न कार्यक्रममा विभिन्न साहित्यकार सँगै विशिष्ट व्यक्तित्वहरूको उपस्थिति रहेको थियो ।
पुस्तकका सर्जक 'बादलले' आँफुले सृजना गरेको पुस्तकका बारेमा प्रकाश पार्नुभएको थियो ।
कार्यक्रममा प्रमुख अतिथि शर्मा, विशिष्ट अतिथि नेका केन्द्रीय सदस्य एवं पूर्व संविधान सभा सदस्य अर्जुन प्रसाद जोशी,पुस्तक का सर्जक एवं साहित्यकार 'बादल' , पूर्व प्रतिनिधि सभा सदस्य लालकाजी गुरुङ , बाग्लुङ्ग नगरपालिकाका मेयर वसन्त कुमार श्रेष्ठ , नेपाल पत्रकार महासङ्घ कास्कीका अध्यक्ष विमला भण्डारी, विन्ध्यवासिनी संस्कृत क्याम्पस प्रमुख जगन्नाथ रेग्मी लगायतले बोल्नुभएको थियो ।
त्यस्तै नेका पोखरा १५ का उपसभापति केमबहादुर गुरुङले स्वागत गरेको उक्त कार्यक्रममा पुस्तकको समीक्षा साहित्यकार इन्द्रमान खत्रीले गर्नुभएको थियो । परिवारको तर्फ साइला छोरा निर्मल कुमार जोशीले धन्यवाद ज्ञापन गर्नुभएको थियो ।
स्वर्गीय कृष्णबहादुर जोशी २००७ को सशस्त्र क्रान्ति योद्धा तथा प्रजातन्त्र सेनानीका रूपमा चिनिनुहुन्छ ।
जोशी तत्कालीन बाग्लुङ सरकारकारका यातायात सप्लाई मन्त्री , स्याङ्जा नुवाकोट नेका सदस्य , तत्कालीन पोखरा नेका सदस्य लगायतका पदमा रहेर काम गर्नुभएको थियो ।
उहाँलाई आध्यात्मिक, शैक्षिक, राजनीतिक तथा सामाजिक व्यक्तित्वका रूपमा समेत चिनिन्छ । उहाँकी ९४ वर्षीय श्रीमती सन्त कुमारी जोसी, ५ भाइ छोरा र २ छोरी छन् ।
१६० जना सहभागी कार्यक्रमको सञ्चालन नेपाली काङ्ग्रेस पोखरा १५ का सचिव प्रितम गुरुङले गर्नुभएको थियो ।
Posts
