कात्तिक २९ गते , पोखरा । आफ्नै बुवालाई खुर्पा प्रहार गरी फरार भएका रविन क्षेत्री पक्राउ परेका छन् ।
मङ्गलबार अन्दाजी १२ बजेको समयमा आफ्ना बाबुलाई खुर्पा प्रहार गरी फरार भएका उनलाई प्रहरीले पाल्पा प्रभासबाट मोटरसाइकल सहित नियन्त्रणमा लिएको हो ।
जिल्ला प्रहरी कार्यालय पाल्पाले जिल्ला पाल्पा स्थित प्रभासमा ग २० प ६०४७ नम्बरको मोटरसाइकल सहित नियन्त्रणमा लिएको जनाएको छ ।
जिल्ला प्रहरी कार्यालय कास्कीद्वारा मातहत तथा अन्यत्र जिल्लामा समेतबाट हुलिया, फोटो सहितको खोजतलासको लागि प्रहरी परिचालन गरिएको थियो ।
कास्की पोखरा महानगरपालिका वडा नं.१७ बिरौटा गोधुली संसार पथ बस्ने ५२ वर्षीय रामु क्षेत्रीलाई उनकै छोरा २२ वर्षीय रविनले खुर्पा प्रहर गरी घाइते बनाएका थिए ।
बाबुलाई घाइते बनाई फरार रहेको भन्ने सूचना प्राप्त हुनासाथ वडा प्रहरी कार्यालय बैदामबाट प्रहरी टोली खटिई गई निज घाइतेलाई उपचारको लागि चरक मेमोरीयल अस्पतालमा पठाइएको थियो ।
अस्पतालले रामु क्षेत्रीलाई ५ बजेको समयमा मृत घोषणा गरेको थियो ।
पक्राउ परेका रविनलाई कास्कीमा ल्याई कर्तव्य ज्यान सम्बन्धी मुद्दामा अनुसन्धान प्रक्रिया अगाडी बढाइएको प्रहरीले जनाएको छ ।
Posts
