कात्तिक २२, पाल्पामा टिपरले किचेर एक युवतीको ज्यान गएको छ ।
पूर्वखोला गाउँपालिका–२, जल्पाकी १९ वर्षीया दिलकुमारी आलेको टिप्परले किचेर ज्यान गएको हो । टिपर ब्रेक फेल भइ भित्तामा ठोक्किने क्रममा टिपरमा बस्नुभएकी मृतक आलेले हाल फाल्दा सोही टिपरले किचेर ज्यान गएको हो ।
त्यस्तै दुर्घटनामा परी तीन जना घाइते भएका छन् ।
दुर्घटनामा परी टिपरमा यात्रा गरेका पूर्वखोला–२, जल्पाका २५ वर्षीया हिमाली आले, मकवानपुर मनोहरी गाउँपालिका–९, का २६ वर्षीय अन्जन सुनार र मकवानपुर हेटौंडा ९ का २४ वर्षीय आशिष सुनार घाइते हुनुभएको छ ।
प्रहरीका अनुसार बुधबार बिहान ८ः३० बजे निस्दी–७, ज्यामिरेबाट चुनढुङ्गा लिएर नवलपुरको होङ्सी सिमेन्टको कारखानातर्फ गइरहेको लु २ ख ५२९ नम्बरको टिपर ब्रेक फेल भइ दुर्घटना भएको भएको थियो ।
घटनाको बारेमा थप अनुसन्धान भइरहेको प्रहरीले जनाएको छ ।
.png)
.png)
.jpg)
.png)
.jpeg)
Posts
