पुस १४ गते , लेखनाथ महोत्सव भइरहेको स्थल नजिक सवारी दुर्घटना हुँदा एक जनाको ज्यान गएको छ ।
डाँडाको नाक भन्ने स्थानमा चलिरहेको महोत्सव स्थलको गेट नजिकै बसको ठक्करबाट भारत घर भई हाल पोखरा २७ बस्ने इसरावती कुमारीको ज्यान गएको हो ।
अनियन्त्रित भएको बसले गेट नजिकै फुटपाथमा व्यापार गरिरहेकी उनलाई ठक्कर दिएको थियो ।
३० वर्षकी उनी लेखनाथ महोत्सवमा फुटपाथमा फूल बेच्दै थिइन् । बस अनियन्त्रित भएर फुटपाथमै पसेर ठक्कर दिएको थियो ।
तनहुँको म्याग्देका रामजी गन्दर्भ र पर्साकी चिजमाया गन्दर्भ घाइते भएको कास्की प्रहरीले जानकारी दिए ।
बागलुङबाट पोखरा हुँदै भैरहवातर्फ जाँदै गरेको लु १ ख ८३५६ नम्बरको बस ब्रेक फेल भएर माटोको ढिस्कोमा ठोकिएर दुर्घटना भएको थियो ।
Posts
