पुस १०, पोखरामा आज बिहानै कारको ठक्करबाट दुई जनाको ज्यान गएको छ । बागलुङ बसपार्कबाट जिरो कि.मी. तर्फ जाँदै गरेको बा १३ च ३७२१ नं. को कारले ठक्कर दिँदा पैदल यात्री ढालेन्द्र छन्त्याल र अर्का एक अपरिचित व्यक्तिको ज्यान गएको हो ।
बागलुङ ढोरपाटन न.पा. ६ घर भई हाल पोखरा महानगरपालिका वडा नम्बर ३ नदीपुर बस्ने २० वर्षीय छन्त्याल र नाम थर वतन नखुलेको अन्दाजी ३५ वर्षीय जस्तो देखिने पुरुषलाई कारले ठक्कर दिएर घाइते बनाएपछि उपचारको लागि पश्चिम क्षेत्रीय अस्पताल गण्डकी पठाइएकोमा अस्पतालले मृत घोषणा गरेको थियो ।
कार वडा प्रहरी कार्यालय बैदामको नियन्त्रणमा रहेको र कार चालक फरार रहेकोले खोज कार्य भइरहेको प्रहरीले जनाएको छ।
उक्त स्थानमा वडा प्रहरी कार्यालय बैदामबाट प्रहरी नायव उपरीक्षक राजेन्द्र श्रेष्ठको कमान्डमा १५ जनाको टोली खटिएको थियो ।
.png)
.png)
.jpg)
.jpeg)
.png)
Posts
