 |
| सांकेतिक तस्विर |
पोखरा- स्कुल बसको ठक्करबाट एक विद्यार्थीको ज्यान गएको छ । पोखरा महानगरपालिका वडा नं.२४ कास्किकोट काउले स्थित श्री बाल प्रतिभा बोर्डिङ स्कुलको बसले ठक्कर दिँदा सोही विद्यालयको नर्सरी कक्षामा पढ्ने विद्यार्थी समीर कार्कीको ज्यान गएको हो ।
आफ्नै विद्यालयको ग १ क ४०८२ नम्बरको बसले शुक्रबार पौने ३ बजेतिरको समयमा ठक्कर दिएपछि घाइते भएका समीरको मेट्रो सिटी अस्पतालमा उपचारको क्रममा ज्यान गएको हो ।
घटना स्थलमा वडा प्रहरी कार्यालय बगर कास्कीबाट प्रहरी टोली खटिई गई उक्त बस र बस चालक नियन्त्रणमा लिई अनुसन्धान कार्य भइरहेको प्रहरीले जनाएको छ ।
समीरलाई सोही स्कुल बसबाट झरेर घर तर्फ जाने क्रममा उक्त बसले ठक्कर दिएको थियो ।
Posts
