पोखरा, माघ २१ । ज्येष्ठ नागरिक समाज गण्डकी प्रदेश पोखराले आफ्नो प्रथम भेला सम्पन्न गरेको छ । समाजले ज्येष्ठ नागरिकहरूको उपस्थितिमा पोखरा १७ स्थित शीतल चौतारी छोरेपाटनमा आफ्नो भेला सम्पन्न गरेको हो ।
ज्येष्ठ नागरिक तुलसी बरालको अध्यक्षतामा सम्पन्न भएको उक्त कार्यक्रमको उद्घाटन प्रदेशका अध्यक्ष ध्रुवराज अधिकारीले गर्नुभएको थियो ।
प्रदेश उपाध्यक्ष ढुङ्गानाले स्वागत गरेको कार्यक्रमको सञ्चालन सहसचिव प्रेमलाल लम्सालले गर्नुभएको थियो ।
त्यस्तै निवृत्ति राष्ट्रसेवक समाज र ज्येष्ठ नागरिकहरूले पाउने अधिकार र सुविधाका बारेमा छलफल भएको उक्त कार्यक्रममा अधिवक्ता डी पी अधिकारी, पृथ्वीनारायण क्याम्पसका प्रा.डा. शोभाकान्त लामिछाने , पृथ्वी राजमार्ग बस सञ्चालक समिति अध्यक्ष तथा अधिवक्ता योगेन्द्र के सी , भक्तराज सुवेदी, नारायण अधिकारी, लगायतले कार्यक्रममा आफ्ना भनाई राख्नुभएको थियो ।
भेलाले छोरेपाटन अन्तर्गत ज्येष्ठ नागरिकका समस्याहरू पहिचान गरी त्यसको समाधान गर्ने दिशातिर अग्रसर हुने गरी तुलसी बरालको नेतृत्वमा ११ सदस्यीय समिति गठन गरेको छ ।
त्यसै गरी समाजका अध्यक्ष अधिकारीको सक्रियतामा वार्ड नम्बर १७ अन्तर्गतका सुशान्त टोल, नयाँ गाउँ नागबेली लगायतका टोलहरूमा समेत ज्येष्ठ नागरिक समाज गठन गरिएको समाजका सहसचिव प्रेमलाल लम्सालले जानकारी दिनुभयो ।
.png)
.png)
.jpg)
.jpeg)
.png)
Posts
