नेपालले दोस्रो खेलमा बलियो राष्ट्र भारतसँग प्रतिस्पर्धा गर्न लागेको हो । नेपाल यसअघि ‘सुपर सिक्स’ चरणको पहिलो खेलमा बंगलादेशसँग पाँच विकेटले पराजित भएको थियो ।
भारतले भने ‘सुपर सिक्स’ चरणको पहिलो खेलमा न्युजिल्यान्डलाई दुई सय १४ रनको विशाल अन्तरले पराजित गरेको थियो । नेपाल यसअघि नै सेमिफाइनल दौडबाट बाहिरिसकेको छ ।
‘सुपर सिक्स’ चरणको मंगलबार सम्पन्न खेलको नतिजापछि नेपाल सेमिफाइनल दौडबाट बाहिरिएको हो । मंगलबार खेलिएको खेलमा भारतले न्युजिल्यान्डलाई र पाकिस्तानले आयरल्यान्डलाई हराएका थिए । त्यो नतिजापछि नेपालसँगै न्युजिल्यान्ड र आयरल्यान्ड पनि उपाधि होडबाट बाहिरिएका थिए ।
यू–१९ विश्वकपमा नेपालको यो आठौँ सहभागिता हो । नेपालले सन् २००० मा श्रीलंकामा सम्पन्न तेस्रो संस्करणदेखि यू–१९ विश्वकपमा सहभागिता जनाउन थालेको हो । यू–१९ विश्वकपको त्यही संस्करणमा नेपाल र भारतबिच पहिलो भिडन्त भएको थियो ।
Posts
