झापाको मेचीनगर नगरपालिका ३ निन्दा खोलामा पौडी खेल्ने क्रममा डुबेर एक जनाको मृत्यु भएको छ । मृत्यु हुनेमा मेचीनगर नगरपालिका ३ बडाखाल बस्ने ४० बर्षीय धनराज भण्डारी रहेको जिल्ला प्रहरी कार्यालय झापाले जनाएको छ ।
मंगलबार दिउँसो १ बजेको समयमा स्थानीय निन्दा खोलामा पौडी खेल्ने क्रममा डुबेर बेहोस् भएका भण्डारीलाई स्थानीयले देखेपछि उद्धार गरी उपचारका लागि वीएण्डसी अस्पताल बिर्तामोड ल्याएको बताइएको छ । दिउँसो २ ः ३४ बजे उपचारको क्रममा चिकित्सकले भण्डारीलाई मृत घोषणा गरेको प्रहरीले जानएको छ ।
घटनास्थलको मुचुल्का इप्रका काकडभिट्टाको टोलीले सम्पन्न गरिसकेको र घटनाको सम्बन्धमा थप अनुसन्धान भइरहेको प्रहरीले जनाएको छ ।
Posts
