परपुरुषसँग रात बिताउन होटेल पुगेकी युवती कल्पना भण्डारी सुवेदी मृत भेटिए पछि घटना झनै गम्भीर बन्दै गएको छ ।
मोरङको लेटाङ नगरपालिका वडा नम्बर–२ घर भएकी ३१ वर्षीय कल्पनाका श्रीमान् वैदेशिक रोजगारीको सिलसिलामा साउदीमा रहेको र उनी सानी छोरीलाई लिएर काठमाडौँको बाँसबारीमा बस्दै आएको प्रारम्भिक अनुसन्धानबाट थाहा लागेको छ ।
महाराजगन्ज प्रहरी वृत्तमा परेको जाहेरीअनुसार विवाहित युवतीलाई होटेलमा बोलाएर कोठामा राख्ने व्यक्ति काठमाडौँको चन्द्रागिरि नगरपालिका वडा नम्बर १५ घर ठेगाना बताउने अनित कार्की हुन् ।
कोठाभित्रै विवाद भएपछि युवती कम्मरमा तन्ना बेरेर बाथरुममा छिरेको र लामो समयसम्म बोलाउँदा पनि नबोलेपछि होटेल सञ्चालकलाई फोन गरेर बोलाएको कार्कीले प्रहरीलाई बताएका छन् ।
होटेलका स्टाफले दिएको जानकारी अनुसार उनीहरू यसअघि पनि पटक–पटक यसै गरी स्टार जोन होटेलमा रात बिताउन आउने गरेका थिए ।
प्रहरीका अनुसार मृतक युवतीको शरीरको विभिन्न भागमा चोट देखिएको छ ।
Posts
