पोखरा , वैशाख २३ । पोखरास्थित खापौदिको खोलामा डुबेर एक जनाको ज्यान गएको छ ।
आज दिउसो खपौदीस्थित हर्पन खोलामा साथीहरूसँग खेल्दै गरेका पोखरा महानगरपालिका वडा नम्बर ५ मालेपाटनका १४ वर्षीय किशोर सोनम सुवेदीको ज्यान गएको हो ।
सुवेदी पानीमा डुबेपछि सँगै पौडी खेल्न गएका अर्का किशोरले स्थानीयमार्फत सशस्त्र प्रहरीलाई जानकारी गराएका थिए ।
सशस्त्र प्रहरी बल नम्बर २४ कालिका गण कास्कीबाट परिचालन भएको विशेष विपद् उद्धार एवम् गोताखोर टोलीले खोजतलास गर्ने क्रममा डुबेको स्थानभन्दा केही तल शव फेला पारेको थियो । यति बेला सुवेदीको शव पोस्टमार्टमका लागि पश्चिम क्षेत्रीय अस्पताल लगिएको छ ।
Posts
