असार ३, छ किलो सुनसहित पक्राउ परेका चिनियाँ नागरिकसँग नेपाली नागरिकता भेटिएको खबर छ ।
६ किलो सुन र ४८ लाख नेपाली रुपैयाँ सहित गएराती पक्राउ परेका चिनिया नागरिक ३७ वर्षीय शेरब ग्याल्मोको नेपाली नागरिकता पनि रहेको भेटिएको हो ।
नेपाल प्रहरीको केन्द्रीय अनुसन्धान ब्युरो (सीआईबी)का प्रवक्ता एवं एसपी होबिन्द्र बोगटीले दिएको जानकारी अनुसार उनको कोठामा खानतलासी गर्ने क्रममा सोनाम गुरुङको नाममा रहेको नेपाली नागरिकताको प्रमाणपत्र भेटिएको हो ।
एसपी बोगटीका अनुसार उक्त नागरिकता जिल्ला प्रशासन कार्यालय मुस्ताङबाट जारी गरिएको देखिएको छ।
सीआईबीले दिएको जानकारी अनुसार उनी लामो समयदेखि नेपालमा बस्दै आएको र यहाँबाट क्रिप्टोकरेन्सी तथा युएसडीटीको अवैध कारोबारमा समेत संलग्न रहेको पाइएको छ ।
उनी काठमाडौँ महानगरपालिका–६, बौद्ध, तीनचुलीमा डेरा गरी बस्दै आएका थिए ।
Posts
