 |
| सांकेतिक तस्विर |
पोखरा , असार १२ गते । कास्कीमा गए रातीदेखि परेको अविरल वर्षाका कारण गएको पहिरोका कारण दुई जनाको ज्यान गएको छ ।
राति सवा दुई बजेको समयमा कास्की मादी गाउँपालिका वडा नं. ५ चिते पानी घुम्ती बस्ने प्रकाश रानाभाटको ब्लक र टिनले बनेको ३ कोठे घरमा पहिरोले क्षति पुर्याउँदा सुतिरहेको अवस्थामा दुई जना मृत भेटिएका हुन् ।
कोठामा सुतेका २ जना (नातिनी र हजुरआमा) मध्ये नातिनी वर्ष १३ की आयुस्मा रानाभाट पहिरोले पुरी मृत अवस्थामा फेला परेकी हुन् भने हजुरआमा ७० वर्षीय लालमाया बन्जारलाई उद्धार गरिएको प्रहरीले जनाएको छ । उक्त घरमा राती २ जना मात्र सुतेको र घरको पछाडिको भागमा पहिरोले क्षति पुर्याएको स्थानीयले जनाएका छन् ।
त्यस्तै पोखरा महानगरपालिका वडा नं.२७ आरूपाटामा पनि राति ३ बजे गएको पहिरोमा परि ३ वर्षीय अनमोल सुनारको ज्यान गएको छ । त्यस्तै अनामोलकी आमा २७ वर्षीय रितु सुनार घाइते भएकी छिन् । घाइते रितुलाई उपचारको लागि गण्डकी मेडिकल कलेज पठाइएको छ । आफन्तका अनुसार उनको अवस्था चिन्ताजनक रहेको छ । सोही घरमा सुतेका २ जना (हरि सुनार र छोरी वर्ष ९ की अञ्जलि सुनार) को सकुशल उद्धार गरिएको छ घरमा पहिरोले पूर्ण रूपमा क्षति पुर्याएको छ ।
Posts
