जेठ २५, दोलखाको भीमेश्वर नगरपालिका वडा नम्बर– १ पुष्पा क्षमावतीमा झन्डै एक वर्ष अघि ७७ वर्षीय झिलक बहादुर विश्वकर्माबाट दुई लाख रुपैयाँ सापट लिएका गणेश घिमिरे हत्याको आरोपमा पक्राउ परेका छन् ।
घिमिरेले वृद्ध झिलक बहादुरको ऋण तिर्न नपर्ने ठानी उनको हत्या गरेको प्रारम्भिक अनुसन्धानबाट खुल्न आएको प्रहरीले जनाएको छ ।
घरमा नदेखिएका मृतक झिलबहादुर हराएको र गाई बाख्रा कराई रहेको भन्दै छिमेकीले जेठ १९ गते प्रहरीलाई खबर गरेका थिए ।
खोज्दै जाँदा घरमुनि बारीमा मृतक विश्वकर्माको शव किरा परेको र घाटीमा चेप्टो ढुङ्गाले थिचिएको अवस्थामा भेटिएको थियो ।
काठमाडौँ बस्दै आएका गणेश घिमिरे दिवालीको लागि जेठ ८ गते घर आई झिलक बहादुर हराएकै दिन १७ गते राति परिवारलाई थाहै नदिई काठमाडौँ फर्किएको र उनले मृतकसङ पैसा समेत सापट लिएको जानकारी पाएपछि हत्यामा उनको हात हुनसक्ने आशङ्का सहित प्रहरीले अनुसन्धान अघि बढाएको थियो ।
बागमती प्रदेश प्रहरी कार्यालय हेटौडा र प्रदेश प्रहरी कार्यालय बनेपाको प्राविधिक सहयोग तथा प्रहरी वृत्त मालिगाँउको समन्वयमा जिल्ला प्रहरी कार्यालय दोलखाबाट गएको प्रहरी टोलीले जेठ २३ गते बिहान उनलाई काठमाडौँबाट पक्राउ गरेको हो ।
प्रारम्भिक बयानमा अभियुक्त घिमिरेले मृतकसङ लिएको ऋण तिर्न नपर्ने ठानी उनको हत्या गरेको बताएका छन् ।
घटना सम्बन्धमा थप अनुसन्धान जारी रहेको प्रहरीले जनाएको छ ।
.png)
.png)
.jpg)
.png)
.jpeg)
Posts
