.jpg)
पोखरा, कास्की पोखरा महानगरपालिका १ जौ बारी स्थित पोखरा बागलुङ सडक खण्डमा प्रहरीले अवैध काठ ढुवानी गरिरहेको अवस्थामा ट्रक नियन्त्रणमा लिएको छ ।
वडा प्रहरी कार्यालय बगर कास्कीबाट खटिएको प्रहरी टोलीले सवारी साधनहरू चेकजाँच गर्ने क्रममा शनिवार बिहान ६ बजे याम्दीबाट हरीचोकतर्फ आउँदै गरेको ग १ ख ६११५ नम्बरको ट्रकलाई अवैध काठसहित पक्राउ गरिएको हो ।
ट्रकलाई चेकजाँच गर्दा उक्त ट्रकमा चिरुवा काठ (फल्याक) लोड गरी ल्याएको पाइएको र सो सम्बन्धमा प्रयोजन खुल्ने कागजात साथमा नभएको कारण उक्त काठ (फल्याक) सहित ट्रकलाई नियन्त्रणमा लिइएको कास्की प्रहरीले जनाएको छ ।
प्रहरीका अनुसार ट्रकलाई थप अनुसन्धान तथा आवश्यक कारवाईको लागी डिभिजन वन कार्यालय बगर कास्कीमा पठाइएको छ ।
Posts
