असार १८ गते । मणिपाल शिक्षण अस्पताललाई कानुन विपरीत राजस्व छुट दिइएको उजुरीपछि अख्तियार दुरुपयोग अनुसन्धान आयोगले मङ्गलवार पोखरा महानगरपालिका कार्यालयमा छापा मारेको छ ।
अख्तियारले छापा मारेर महानगरबाट मणिपालसँग सम्बन्धित कागजात नियन्त्रणमा लिएको जनाएको छ ।
पोखरा महानगरले वडा नम्बर ११ मा रहेको मणिपाल शिक्षण अस्पताललाई करिब २० करोड कर छुट दिएर घर नक्सा सम्पन्न प्रमाणपत्र दिएपछि अख्तियारमा उजुरी परेको थियो ।
महालेखा परीक्षकको प्रतिवेदनले यसमा प्रश्न उठाएपछि महानगरले उक्त छुट दिने निर्णय बदर गरिसकेको छ । महालेखाले मणिपालले २१ करोड ५७ लाख बुझाउनुपर्ने औँल्याएको छ ।
Posts
