स्याङ्जा – खोला तर्ने क्रममा स्याङ्जामा एकजनाको ज्यान गएको छ ।
पुतलीबजार नगरपालिका वडा नं.-०१ वीरेन्द्रनगर बस्ने वर्ष ७४ को तिलबहादुर भुजेललाई अर्गौदीखोला तर्ने क्रममा खोलाले बगाई घाईते भएकाेमा मृत्यु भएकाे हाे ।
खोलाले बगाएपछि उनको आफ्नै छोरा होमबहादुर भुजेलले उद्धार गरी उपचारकालागि जिल्ला अस्पताल स्याङ्जा लगेका थिए ।
भुजेलको उपचारको क्रममा मृत्यु भएको जिल्ला प्रहरी कार्यालय स्याङ्जाले जनाएको छ ।
मृतकको शव अस्पतालमै छ ।
Posts
