साउन १४ गते । रुकुम पश्चिमको बाँफिकोट गाउँपालिका–१० सेजेका ३० वर्षीय दीपक ओलीको अमेरिकामा हत्या भएको छ । अमेरिकाको टेक्सासमा आइतबार बिहान बन्दुकधारी लुटेरा समूहको आक्रमणबाट ओलीको हत्या भएको हो ।
उनले काम गर्ने टेक्ससको वाको सिटी नजिक हाइवे ३५ को एक्जिट ३४६ मा रहेको ग्याँस स्टेसनमा गोली हानेर हत्या गरिएको खबर पाएको परिवारले जनाएको छ ।
आइतबार बिहान करिब ५ बजेतिर बन्दुकधारी लुटेराहरूले गोली प्रहार गरेर हत्या गरेको र शव पोस्ट मार्टमको लागि अस्पताल लगिएको उनका आफन्तले जनाएका छन् ।
दीपकको हत्याको खबरपछि गाउँ नै शोकाकुल बनेको छ । उनी एक वर्षअघि मात्र अमेरिका पुगेका थिए । सन् २०२३ को जुलाई महिनामा अमेरिका पुगेका दीपक अवैध बाटो (तल्लो बाटो) अमेरिका पुगेका थिए ।
उनले २०७९ मङ्सिरमा घर छोडेर हिँडेको भए पनि अमेरिका पुग्ने क्रममा बाटोमै करिब डेढ वर्ष र ८० लाख रुपियाँ खर्च भएको उनको परिवारले जनाएको छ ।
परिवारको थाप्लोमा अहिले दीपकलाई अमेरिका पठाउँदा लागेको ऋणको बोझ छ । छोराको मृत्युपछि विक्षिप्त बनेका बाबुलाई छोरो पठाउँदा लगेको ऋणको भारी कसरी चुक्ता गर्ने भन्ने अर्को पिर थपिएको छ ।
.png)
.png)
.jpg)
.jpeg)
.png)
Posts
