विभिन्न मुद्दाका पाँच फरार प्रतिवादी पक्राउ - Brighter khabar

असार २५ गते । कैलाली प्रहरीले विभिन्न मुद्दाका फरार पाँच प्रतिवादीलाई पक्राउ गरेको छ । प्रदेश प्रहरी कार्यालय धनगढीका अनुसार जिल्ला प्रहरी कार्यालय र मातहतका प्रहरी कार्यालयबाट खटेको टोलीले उनीहरुलाई पक्राउ गरेको हो ।

पक्राउ पर्नेमा लागूऔषध मुद्दामा सजाय सुनाइएका टीकापुर नगरपालिका–१ का रोशन सुनार, सवारी ज्यान मुद्दाका सोही ठाउँकै ४० वर्षका रोमी साउद, लागूऔषध मुद्दाका बर्दियाको गुलरिया नगरपालिका–९ का १९ वर्षीया मुस्कान विक छन् ।

यसैगरी, चोरी मुद्दाका कसुरदार लम्कीचुहा नगरपालिका–५ का २१ वर्षीय प्रकाश विक र जुवातास मुद्दामा जरिवाना तोकिएका लम्कीचुहा नगरपालिका–१ का ४६ वर्षीय केसर बोगटी रहेको जनाइएको छ । कैलाली जिल्ला अदालतले दोषी ठहर गरेपछि उनीहरु फरार भएका थिए ।