असार ३१, मलद्वारमा लुकाएर सुन तस्करी गर्ने गिरोहका मुख्य नाइके काभ्रे महाभारत गाउँपालिका गोकुल घर भएका विकास योञ्जन पक्राउ परेका छन् ।
१० महिनापछि प्रहरी परिसर काठमाडौँको विशेष टोलीले उनलाई काठमाडौँको चुच्चेपाटीबाट पक्राउ गरेको हो ।
नेपालका विभिन्न जिल्ला तथा स्थानमा अर्ध भूमिगत भई बसेका उनले नेताहरुकै कारण आफू फसेको बताउने गरेका छन् ।
सुन तस्करी गरी ल्याउने गरेका उनले बनेपाका विभिन्न स्थानमा भूमिगत शैलीमा सुनलाई पगालेर विक्री गर्ने गरेका थिए । सुन ल्याउन र सुनको तस्करीमा लगानीका लागि विकासले नेताहरुको साथ र सहयोग लिएका थिए ।
विशेष सूचनाका आधारमा काठमाडौं प्रहरी परिसरको टोलीले विमानस्थल बाहिरबाट मलद्वारमा लुकाइ ल्याएको सुन बरामद गरेको थियो ।
Posts
