 |
| फाइल तस्विर |
साउन १८ गते काठमाडौँ । साउन १५ गतेदेखि गेस्ट हाउसमा कोठा लिएर बस्दै आएका एक महिला र एक पुरुष कोठाभित्रै मृत भेटिएका छन् ।
काठमाडौँ महानगरपालिका-९ शम्भुमार्गस्थित एक गेस्टहाउसमा बसेका महिला र पुरुष मृत भेटिएको प्रहरीले जनाएको छ ।
प्रहरीका अनुसार बाजुरा त्रिवेणी नगरपालिका-४ का २३ वर्षीय भरतबहादुर सार्की र सोही ठाउँकी अन्दाजी १९-२० वर्षीय करिश्मा सार्की मृत अवस्थामा फेला परेका हुन् ।
साउन १५ गतेदेखि उक्त गेस्ट हाउसमा बस्दै उनीहरू आज मृत भेटिएका हुन् । आज दिउँसो १२ बजेसम्म खाना खानका लागि नआएपछि बोलाउन जाँदा उनीहरूले ढोका नखोलेपछि होटेल सञ्चालकले प्रहरीलाई खबर गरेका थिए ।
प्रहरीले गेस्टहाउसको ढोका खोली हेर्दा महिला घाटी काटिएको र पुरुष पङ्खामा डोरीले पासो लगाई झुन्डिएको अवस्थामा फेला परेका थिए ।
शव पोस्टमार्टमका लागि त्रिवि शिक्षण अस्पताल पठाइएको र घटना सम्बन्धमा अनुसन्धान थालिएको प्रहरीले जनाएको छ ।
Posts
