साउन २६ गते । तनहुँको आँबुखैरेनी गाउँपालिका-३ मिलन चोकमा आज बस दुर्घटना हुँदा १३ जना घाइते भएका छन् ।
सडकमा गुडिरहेको मिनिबस र माइक्रो बस अनियन्त्रित भई अचानक सडकमा पल्टिँदा १३ जना घाइते भएका हुन् ।
लमजुङबाट नारायणगढतर्फ जाँदै गरेको ग १ ज ८२९४ नम्बरको विद्युतीय माइक्रो बस र दमौलीबाट मुग्लिङतर्फ जाँदै गरेको बा ४ ख ४४७० नम्बरको मिनिबस अनियन्त्रित भई सडकमा पल्टिएका हुन् ।
घाइतेहरूको आँबुखैरेनी अस्पतालमा उपचार भइरहेको जिल्ला प्रहरी कार्यालय तनहुँले जनाएको छ ।
बिहानदेखि मसिनो पानी परिरहेकाले बस चिप्लिएर दुर्घटना भएको प्रहरीले जनाएको छ ।
Posts
