 |
| फाइल तस्बिर |
साउन २८ गते । बुटवल १३ बेलबासमा सवारी दुर्घटना हुँदा एक जनाको मृत्यु भएको छ भने अन्य दुई जना घाइते भएका छन् ।
दुर्घटनामा बुटवल उपमहानगरपालिका-१३ का २३ वर्षीय अंकृत पाठकको ज्यान गएको इलाका प्रहरी कार्यालय बुटवलले जनाएको छ । सोमबार लु १९ प ८८७५ नम्बरको मोटरसाइकल र विपरीत दिशाबाट आइरहेको लु ८५ प ३१३३ नम्बरको स्कुटरबेलबास चोकमा आपसमा ठोक्किएर दुर्घटना भएको थियो ।
दुर्घटनाबाट गम्भीर घाइते भएका स्कुटरका चालक पाठकको उपचारको क्रममा लुम्बिनी प्रादेशिक अस्पताल बुटवलमा निधन भएको हो । अंकृत पाठककी ४३ वर्षीया आमा गौमुखी पाठक गम्भीर भएकी छिन् ।
साथै मोटरसाइकलका चालक कपिलवस्तुको वाणगंगा घर भएका १८ वर्षीय सागर थारु पनि घाइते छन् । घाइते दुवै जनाको लुम्बिनी प्रादेशिक अस्पताल बुटवलमा उपचार भइरहेको प्रहरीले जनाएको छ ।
प्रहरीका अनुसार घटनाको थप अनुसन्धान भइरहेको छ ।
Posts
