पोखरा- पोखरा महानगरपालिका वडा नम्बर १५ नयाँ गाउँमा अवस्थित मेरिगोल्ड अङ्ग्रेजी आवासीय मा वि ले तिज नृत्य प्रतियोगिता सम्पन्न गरेको छ ।
विद्यालयले आफ्नो वार्षिक भित्ते पात्रो अनुसार आफ्नो प्राङ्गणमा कक्षा एकदेखि पाँच र छ देखि दश कक्षाका विद्यार्थीहरूबिच प्रतियोगिता सम्पन्न गरेको हो ।
प्रतियोगितामा ६-१० सम्म को समूहमा युविना गुरुङ,जेसिका दाहाल,कृपा गुरुङ र अस्मि जी टी को समूह उत्कृष्ट भएको थियो भने १-५ कक्षा सम्मको समूहमा सुवानी खड्का उत्कृष्ट भएकी थिइन् ।
विद्यालयले उत्कृष्ट दुई समूहसँगै विभिन्न विधामा उत्कृष्ट हुने अन्य ३ समूह गरेर जम्मा पाँच समूहलाई नगद सहित पुरस्कृत गरेको थियो । विद्यार्थीहरूमा नेपाली रीतिरिवाज र मौलिक संस्कृतिको बारेमा ज्ञान हुनुपर्ने र यस्ता प्रतियोगिता महत्त्वपूर्ण भएकाले विद्यार्थीहरूबिच यो कार्यक्रम गरिएको विद्यालय प्राचार्य शर्मिला गुरुङले बताउनुभयो ।
विद्यालयका संस्थापक निर्देशक मोतीराम गुरुङको अध्यक्षतामा सम्पन्न भएको उक्त कार्यक्रममा अतिरिक्त क्रियाकलापमा प्रथम र द्वितीय हुने विद्यार्थीहरूलाई पुरस्कृत समेत गरिएको थियो ।
.png)
.png)
.jpg)
.jpeg)
.png)
Posts
