पोखरा, आश्विन १९ गते । सङ्घीय सांसद राजु थापाले सहकारी पीडितहरूलाई न्याय दिलाएरै छाड्ने बताएका छन् ।
स्याङ्जा क्षेत्र नम्बर १ बाट निर्वाचित सांसद थापाले आज पोखरामा आयोजित अर्जुनचौपारी पोखरा बचत तथा ऋण सहकारी संस्था लिमिटेडको वार्षिक साधारण सभामा बोल्दै उक्त कुरा बताएका हुन् ।
जुनसुकै राजनीतिक दल र जुनसुकै ओहदाको व्यक्ति भए पनि सहकारीमा सर्वसाधारणले सँगालेको बचत रकम दुरुपयोग गर्नेलाई सजाय दिलाएरै छाड्ने बताए ।
साथै उनले देशले वर्तमान समयमा बेहोरिरहेको बाढी पहिरोको सामना गर्न सबै पक्ष एकजुट हुनुपर्ने बताएका छन् ।
सांसद थापाले सानोतिनो क्षमताले देशले नभ्याउने प्रकारको विपत्तिमा केही समूहले राजनीतिक सौदाबाजी गर्न तर्फ लागिपरेको भन्दै यस दुखद घडीमा सबै राजनीतिक दल र सबै निकायले मिलेर सामना गर्नुपर्ने तर्फ जोड दिए ।
Posts
