विशेष गरी, बडादसैँको नवमीका दिन मन्दिरमा भक्तजनको घुइँचो लागेको छ।
मन्दिर व्यवस्थापन समितिले भक्तजनलाई सहज बनाउन विभिन्न उपसमिति बनाएर सेवा प्रदान गरेको थियो।
स्याङ्जा र पर्वत सँगै अन्य स्थानबाट हजारौँ दर्शनार्थी यहाँ आउने गरेका छन्। अर्जुनचौपारी बजारदेखि यातायातको राम्रो सुविधा भएको कालिका मन्दिरमा दर्शनार्थीको सङ्ख्या अझै बढेको छ।
अर्जुनचौपारी गा पा वडा नम्बर ३ आग्रीखर्कबाट यातायातको सुविधा नभए पनि एकानन्द गुफा र एकानेको जङ्गलको बाटो भएर विभिन्न पैदालमार्ग भएर हिमालहरूको अवलोकन गर्दै दर्शनार्थी यहाँ पुग्ने गर्दछन् ।
वर्षौँ अगाडीदेखि देवी कालिकाको प्रतीकका रूपमा मौलो गाडेर मन्दिरको स्थापना गरेको मानिन्छ।
सप्तमीदेखि नवमीसम्म कयौँको सङ्ख्यामा दर्शनार्थी आउने गरे पनि विशेष गरेर बडादसैँ र चैतेदशैँमा यहाँ दर्शनार्थीको भिड लाग्ने गरेको पाइन्छ।
भगवतीका भक्तहरू तथा धार्मिक पर्यटकहरूले यहाँ गरेका कतिपय भाकलहरू पुरा भएको जनविश्वास छ ।
यो मन्दिर धार्मिक तथा सांस्कृतिक दृष्टिले सबै भन्दा महत्त्व बोकेको कालिका देवीको मन्दिर हो ।
अर्जुनचौपारी दरौँखोला सँगै आग्रीखर्क लगायत पर्वतका विभिन्न स्थानबाट यातायातको राम्रो सुविधा हुने हो भने यो पर्यटकीय ठाउँको अझै धेरै महत्त्व र गरिमा बढ्ने यहाँका स्थानीयहरू बताउँछन् ।
Posts
