आश्विन ८ गते , स्याङ्जामा बिहीबार बिहान भएको मोटरसाइकल दुर्घटनामा एक जना घाइते भएका छन् ।
दुर्घटना हुँदा ग. १२ प. २२३२ नम्बरको मोटरसाइकल चालक जिल्ला स्याङ्जा आँधिखोला गाउँपालिका वडा नं.-०२ चिलाउनेबास बस्ने ४५ वर्षीय युवराज पौडेल घाइते भएका हुन् ।
स्याङ्जा आँधिखोला गाउँपालिका वडा नं.-०४ सेपत स्थित कार्कीनेटा-नागडाँडा भित्री सडक खण्डमा चिलाउनेबास देखी नागडाँडातर्फ आउँदै गरेको ग. १२ प. २२३२ नम्बरको मोटरसाइकल र विपरीत दिशाबाट जाँदै गरेको ग. १४ प. ९५६५ नम्बरको मोटरसाइकल एक आपसमा ठक्कर खाई दुर्घटना भएको प्रहरीले जनाएको छ ।
घाइते पौडेललाई उपचारको लागि गण्डकी मेडिकल कलेज पोखरा पठाएको छ । उनको दायाँ हात र दायाँ खुट्टामा चोट लागेको छ ।
दुवै मोटरसाइकल प्रहरी नियन्त्रणमा रहेको र घटनाको सम्बन्धमा थप अनुसन्धान कार्य भई रहेको प्रहरीले जनाएको छ ।
Posts
