पोखराबाट चोरीका सामान सहित दुई जना पक्राउ - Brighter Network

कास्की -  पोखराबाट चोरी सम्बन्धी कसुरमा २ जना  पक्राउ परेका छन्  । 

प्रहरीले गोरखा भीमसेन गा.पा. वडा नं.६ स्थायी वतन भई हाल पोखरा महानगरपालिका वडा नं १५ घले चोक बस्ने वर्ष ३९ को राम बहादुर नेपाली र सोही स्थान  बस्ने २६ वर्षीय गोमा गुरुङलाई पक्राउ गरिएको हो ।

 पोखरा महानगरपालिका वडा नं.०८ न्यूरोड बस्ने भीम बहादुरको कोठाबाट सुनको सिक्री १ थान, EDIFICE CASIO लेखिएको घडी १ थान र नगद समेत चोरी भएको भन्ने सूचनाको आधारमा वडा प्रहरी कार्यालय राम बजार कास्कीबाट खटिएको प्रहरी टोलीले अनुसन्धान गर्दै जाँदा उनीहरूलाई पक्राउ गरेको हो ।

गुरुङको कोठाबाट उक्त चोरी भएको सुनको सिक्री (दुई टुक्रा पारिएको अवस्थाको) १ थान, EDIFICE CASIO घडी १ थान र विभिन्न कम्पनीका मोबाइल थान ३ समेत बरामद भएको प्रहरीले जनाएको छ ।

प्रहरीका अनुसार शुक्रवार पक्राउ परेका उनीहरूलाई चोरी सम्बन्धी कसुरमा अनुसन्धान प्रक्रिया अगाडी बढाइएको छ  ।