मोटरसाइकल अनियन्त्रित भइ सडक छेउको रुखमा ठोक्किँदा एक जनाको ज्यान गयो - Brighter Network

कात्तिक १७ गते । झापामा सवारी दुर्घटनामा एकजनाको मृत्यु भएको छ र बिर्तामोड नगरपालिकाअन्तर्गत बिर्तामोड–शनिश्चरे रोडमा पर्ने डाँस पुल नजिक मोटरसाइकल अनियन्त्रित भई दुर्घटना एक जनाको मृत्यु भएको जिल्ला प्रहरी कार्यालय झापाले जनाएको छ ।

शुक्रबार साँझ बा.४९ प २१५९ नम्बरको मोटरसाइकल अनियन्त्रित भइ सडक छेउको रुखमा ठोक्किँदा ताप्लेजुङ श्रीजङ्घा गाउँपालिका वडा नं. ६ का २६ वर्षीय  सन्तोष लिम्बूको मृत्यु भएको हो ।

दुर्घटनामा परी गम्भीर घाइते हुनुभएको लिम्बुलाई उपचारका लागि बिएण्डसी अस्पताल पुर्याउन साथ मृत्यु भएको जिल्ला प्रहरी कार्यालय झापाले जानकारी दिएको छ । 

प्रहरीका अनुसार मोटरसाइकल पछाडी सवार श्रीप्रसाद लिम्बु गम्भीर घाइते हुनुभएको छ । उहाँको बिएण्डसी अस्पताल बिर्तामोडमा उपचार भइरहेको छ ।