कात्तिक २१, सिद्धार्थ राजमार्गको गौडेपुल नजिकै मोटरसाइकल दुर्घटना हुँदा एक जनाको मृत्यु भएको छ । एक जना गम्भीर घाइते भएका छन् ।
बुटवलबाट तानसेनतर्फ आउँदै गरेको मोटरसाइकल तानसेन ८ गौडेपुल नजिकै दुर्घटना हुँदा मोटरसाइकलको पछाडि बस्ने २७ वर्षीय सावित्रा थापाको ज्यान गएको हो ।
मंगलबार दिउँसो २ बजेतिर लु ८८ प ५५६५ नम्बरको मोटरसाइकल अनियन्त्रित भई सडकदेखि अन्दाजी ५० मिटर तल खोलामा खस्दा मोटरसाइकल चालक तानसेन नगरपालिका ७ प्रभास बस्ने ४३ वर्षीय ईन्द बहादुर गाहा घाइते हुनुभएको छ ।
घाइते थापा र गाहालाई अस्पताल लगिएको र उपचारको क्रममा थापाको निधन भएको प्रहरीले जनाएको छ । गाहाको लुम्बिनी मेडिकल कलेज प्रभासमा उपचार भईरहेको छ । उहाँको अवस्था गम्भीर रहेको प्रहरीले जनाएको छ ।
घटनाबारे अनुसन्धान भइरहेको जिल्ला प्रहरी कार्यालय पाल्पाका प्रहरी निरीक्षक सन्दीप बेल्बासेले जानकारी दिनुभयो ।
.png)
.png)
.jpg)
.jpeg)
.png)
Posts
