.png)
पोखरा - मोटरसाइकल चोरी गरेर पाट पुर्जा बिक्रीमा राखेका एक युवालाई प्रहरीले पक्राउ गरेको छ ।
पोखरा महानगरपालिका वडा न.१७ डेभिजफल बस्ने वर्ष २२ को विजय थापालाई चोरी भएको मोटरसाइकलका पाट पुर्जासहित प्रहरीले नियन्त्रणमा लिएको हो ।
थापालाई सोधपुछ गर्दा उक्त ग २३ प ९२०८ नम्बरको मोटरसाइकल चोरी गरी केही पार्टपुर्जा आफ्नो ग.१६ प.१४६२ न.को मोटरसाइकलमा राखेको र अन्य पार्टपुर्जा छुट्टाई जिल्ला कास्की पोखरा म.न.पा.वडा न. १७ घारीपाटन स्थितमा कोठा भाडामा लिई लुकाई छिपाई राखेको बताएका हुन् ।
पोखरा महानगरपालिका वडा न. ८ चिप्लेढुंगा स्थित ट्रेड मल अगाडी पार्किङ गरी राखेको ग.२३ प.९२०८ नम्बरको DUKE मोटरसाइकल चोरी भएको भन्ने सूचना प्रहरीले प्राप्त गरेको थियो ।
सूचना प्राप्त हुनासाथ वडा प्रहरी कार्यालय बैदामबाट प्रहरी टोली खटिई गई खोजतलास एवं अनुसन्धान गर्दै जाँदा थापाले आफ्नो ‘विजय थापा’ नाम गरेको फेसबुक आइडीमा उक्त मोटरसाइकलको पार्टपुर्जा बिक्रीको लागि राखेको भेटिएको थियो ।
निजलाई पक्राउ गरी सम्मानित कास्की जिल्ला अदालतबाट चोरी तथा डाँका सम्बन्धी कसुरमा दिन पाँच (५) म्याद थप गरी अनुसन्धान प्रक्रिया अगाडी बढाइएको छ।
Posts
