दुर्घटनामा घाइते हुनेहरूमा बसका सहचालक जिल्लाको लिखु तामाकोसी गाउँपालिका वडा नं १ का ३२ वर्षका केबल सुनुवार र बसका यात्रु उमाकुन्ड गाउँपालिका वडा नंं ६ का ७२ वर्षका फूल कुमारी सुनुवार रहेको जिल्ला प्रहरी कार्यालय रामेछापले जनाएको छ ।
घाइते मध्ये फूल कुमारी सुनुवारको अवस्था गम्भिर रहेकाले थप उपचारका लागि काठमाण्डौँ पठाइएको छ । अर्का घाइते केबल सुनुवारको अवस्था भने सामान्य भएकाले स्थानीय स्वास्थ्य केन्द्रमा उपचार भइरहेको छ ।
बसपार्कमा रोकिराखेको बसलाई सोही बसका सहचालक केबलले चलाउनका लागि स्टार्ट गर्नासाथ बस गुप्तेश्वर बसपार्कबाट करिब ६० मिटर तल खसेको प्रहरीले जनाएको छ ।
बा ५ ख २८६ नम्बरको अरनिको उक्त बस रामेछापबाट काठमाण्डौँतर्फ जानका लागि स्टार्ट गरिएको थियो । दुर्घटनाको खबर सुन्नासाथ उद्धारका लागि प्रहरी घटना स्थलमा पुगेको जिल्ला प्रहरी कार्यालय रामेछापले जनाएको छ ।
.png)
.png)
.jpg)
.jpeg)
.png)
Posts
