मोरङको जहदा गाउँपालिकामा ‘मर्निङ वाक’मा निस्किएकी महिलालाई बलात्कार गरि अचेत अवस्थामा छाडेको भेटिएको छ ।
मंगलबार दिउँसो बाँसघारीमा हातखुट्टा बाँधिएको र मुखमा पट्टी लगाएको अर्धचेत अवस्थामा भेटिएकी २३ वर्षीया युवतीलाई उद्वार गरिएको प्रहरीले जनाएको छ । होस खुलेपछि ती महिलाले आफूमाथि बलात्कार भएको बयान दिएकी छिन् । उद्धार गरिएकी महिलाको बयानका आधारमा प्रहरीले तीन जनालाई पक्राउ गरेको छ ।
स्रोतका अनुसार कटहरी गाउँपालिका–२ का १९ वर्षीय मोहम्मद रमजान सोही स्थानका १९ वर्षीय सोनुकुमार साह र भारतको अररीया कुशाकट्टा बस्ने १९ वर्षीय मोहम्मद गुल्जार पक्राउ परेका हुन् ।
मंगलबार जहदा गाउँपालिका–३ की २३ वर्षीय महिला घरदेखि करिब दुई किलोमिटर टाढा कटहरी गाउँपालिका–२ मा पर्ने खेतबारीको बीचमा रहेको बाँसको झ्याङमा सलले मुख थुनेर हातखुट्टा बाँधेको अवस्थामा अचेत अवस्थामा फेला परेकी थिइन् ।
अहिले उनको विराटनगरस्थित कोशी अस्पतालमा उपचार भइरहेको छ प्रहरीले जनाएको छ ।
.jpeg)
Posts
