मङ्सिर २८ गते मण्डनदेउपुर नगरपालिका १ गरीगाउँ घिसिङ टोलकी ५२ बर्षकी तिनमाया तामाङ आफ्नै घरको मझेरीमा मृत अवस्थामा फेला पर्नुभएको थियो । आफ्नै घरमा मृत अवस्थामा तिलमाया फेला परेपछि प्रहरीले अनुसन्धान सुरु गरेको थियो । तिनमाया मृत्युको अनुसन्धान गर्ने क्रममा प्रहरीले मृतकका ज्वाई सुकबहादुर तामाङलाई पुस ५ गते पक्राउ गरेको थियो ।
घटनाको अनुसन्धानको क्रममा सुकबहादुरले सासुले काम नगर्ने भनी सधै गाली मात्र गरी रहने र सो दिन पनि आफुलाई गाली गरेकोले तिनमायालाई मुक्का प्रहार गरी टाउको थाममा ठोक्काई हत्या गरेको स्वीकार गरेको जिल्ला प्रहरी कार्यालाय काभ्रेपलान्चोकका सूचना अधिकारी प्रहरी नायव उपरीक्षक मिनबहादुर घलेले जानकारी दिनुभयो ।
उहाँले सासुको हत्या आरोपमा पक्राउ परेका तामाङमाथि थप अनुसन्धान गर्न आइतबार काभ्रेपलाञ्चोक जिल्ला अदालतबाट पाँच दिनको म्याद थप गरिएको बताउनुभयो ।
Posts
