.png)
स्याङ्जा , अख्तियार दुरुपयोग अनुसन्धान आयोगले स्याङ्जाको अर्जुनचौपारी गाउँपालिकाका पूर्व अध्यक्ष दीर्घ नारायण अर्यालसहित १२ जनाविरुद्ध भ्रष्टाचार मुद्दा दायर गरेको छ । अख्तियार दुरुपयोग अनुसन्धान आयोगले उनीहरूविरुद्ध आज विशेष अदालतमा मुद्दा दायर गरेको हो ।
अर्यालसँग ३५ लाख २९ हजार ३३१ रुपैयाँ बिगो र कैद सजाय माग दाबी सहित मुद्दा दायर गरिएको हो । तत्कालीन अध्यक्ष अर्याल, प्रमुख प्रशासकीय अधिकृतहरू पूरण गुरुङ, कमलप्रसाद गौतम, तत्कालीन इन्जिनियर नवीन थापा, सब इन्जिनियर सूर्यप्रसाद पौडेल, उपभोक्ता समितिका अध्यक्ष बालकृष्ण पौडेल, सचिव कृष्णप्रसाद पौडेललगायत विरुद्ध मुद्दा दायर गरिएको अख्तियारले जनाएको छ।
अख्तियार दुरुपयोग अनुसन्धान आयोगका अनुसार गाउँपालिकाको वडा नम्बर १ मा आ.व. २०७५/०७६ र ७६/७७ मा स्थानीय बजार क्षेत्रको ढलान बाटोमा गुणस्तरहीन काम गरेको साथै ७६/७७ मा गाउँपालिकाबाट सम्पन्न गरिएको तल्लो बजार नाला तथा ढलान भत्किएकाले उनीहरूविरुद्ध भ्रष्टाचार मुद्दा दायर गरिएको हो ।
अर्याल २०७४ सालको स्थानीय तह निर्वाचनमा नेपाली काङ्ग्रेसबाट निर्वाचित भएका थिए ।
प्रतिवादी बनाइएका र माग दाबी गरिएको बिगोको विवरण यस प्रकार छ :
.jpeg)
Posts
