.png)
पोखरा, पुस ८ गते । सङ्घर्षशील बचत तथा ऋण सहकारी संस्था लिमिटेड ठगी सम्बन्धी कसुरमा २ जनालाई प्रहरीले पक्राउ गरेको छ ।
सहकारी संस्थाका अध्यक्ष जिल्ला धादिङ त्रिपुरा सुन्दरी गा.पा. वडा नं. ६ स्थायी वतन भई हाल जिल्ला कास्की पोखरा महानगरपालिका वडा नं. ८ नयाँ बजार बस्ने वर्ष ३३ का विक्रम पाण्डे र सोही सहकारी संस्थाका सचिव तथा व्यवस्थापक जिल्ला कास्की पोखरा महानगरपालिका वडा नं. ३१ बेगनास स्थायी वतन भई हाल पोखरा ३० शिसुवा बस्ने वर्ष ३४ का कमल सुवेदीलाई क्रमशः पोखरा १७ बिरौटाबाट र पोखरा २३ कार्कीको तगरास्थित सहकारीको कार्यालयबाट पक्राउ गरिएको प्रहरीले जनाएको छ ।
सहकारीका सञ्चालक समितिका पदाधिकारीहरू समेतले निक्षेपकर्ताहरुको बचत रकम फिर्ता नगरी सहकारीको रकम हिनामिना एवं ठगी गरेको देखिएको भन्दै सो सम्बन्धमा सहकारी ऐन, २०७४ बमोजिम अनुसन्धान गरी दिन भन्दै सहकारी रजिस्ट्रारको कार्यालय गण्डकी प्रदेश पोखराले प्रहरीकोमा निवेदन दिएको थियो ।
उनीहरूलाई पक्राउ गरी कास्की जिल्ला अदालतबाट सहकारी ठगी सम्बन्धी मुद्दामा ७ दिन म्याद थप गरी थप अनुसन्धान प्रक्रिया अगाडी बढाइएको कास्की प्रहरीले जनाएको छ।
.jpeg)
Posts
