.png)
पोखरा, पुस २२ गते। कास्की प्रहरीले ठगी सम्बन्धी मुद्दामा २ जनालाई पक्राउ गरेको छ ।
अछाम सिउँडी गा.पा. वडा नं. १ स्थायी वतन भई हाल जिल्ला कास्की पोखरा म.न.पा. वडा नं. ६ जरेबर बस्ने ३१ वर्षीय जगत् डोली र पोखरा राईडर्स क्लबका अध्यक्ष जिल्ला कास्की पोखरा ५ प्रस्याङ बस्ने २९ वर्षीय सोनिक क्षेत्रीलाई पक्राउ गरेको प्रहरीले जनाएको छ ।
पोखरा राईडर्स क्लबको आयोजनामा पोखरा महानगरपालिका वडा नं. २३ बाम्दीमा सञ्चालन भएको “पोखरा मोटो-ईन्डुरो क्रस च्याम्पियनसिप-२०२४” खेलमा प्रथम हुने खेलाडीलाई दिने भनी घोषणा गरेको रु.१,५०,००० नदिई सम्पर्क विहीन भएको भन्दै प्रहरीले उनीहरूलाई पक्राउ गरेको हो ।
दर्ता शुल्क बापत प्रत्येक खेलाडीबाट रु.१७,००० लिएको र पुरस्कार नदिई उनीहरू फरार भएको भन्दै प्रहरीकोमा जाहेरी दरखास्त परेको थियो ।
प्रहरीका अनुसार कास्की जिल्ला अदालतबाट ठगी सम्बन्धी कसुरमा ७ दिन म्याद थप गरी उनीहरूमाथि अनुसन्धान प्रक्रिया अगाडी बढाइएको छ।
.jpeg)
Posts
