मकवानपुरको कैलाश गाउँपालिका १० घर भई हाल काठमाडौंको माकलबारी बस्ने २२ वर्षीय विजय थिङ र काठमाडौँको बौद्ध बस्ने २८ वर्षीय चलान सिंह थिङलाई नियन्त्रणमा लिएको हो ।
वास्तविक नम्बर बागमती प्रदेश ०२–०२७ प ८३३४ रहेको मोटरसाइकलको नम्बर परिवर्तन गरी बागमती प्रदेश ०३–०३३ प ३५५३ राखी काठमाडौंको चाबहिलमा विजयले चलाइरहेको अवस्था फेला पारी ट्राफिक प्रहरीले नियन्त्रणमा लिएको हो ।
अनुसन्धानको क्रममा उक्त मोटरसाइकल चलान सिंहबाट विजयले लिएको भन्ने खुल्न आएपछि उनलाई समेत ट्राफिक प्रहरीले काठमाडौंको बौद्धबाट नियन्त्रणमा लिएको थियो ।
उक्त मोटरसाइकल अर्घाखाँची घर भएका आदर्श बेल्बासेले काठमाडौं महानगरपालिका ३२ पञ्चमुखीबाट हराएको भनी काठमाडौँ उपत्यका ट्राफिक प्रहरी कार्यालयमा खोजतलासका लागि निवेदन दिनुभएको थियो ।
काठमाडौँ उपत्यका ट्राफिक प्रहरी कार्यालयका प्रमुख प्रहरी वरीष्ठ उपरीक्षक विनोद घिमिरेका अनुसार नियन्त्रणमा लिएका दुवैजनालाई आवश्यक अनुसन्धानका लागि प्रहरी वृत्त नयाँबानेश्वर पठाइएको छ ।
.jpeg)
Posts
