पुस २९ गते । मकवानपुरको मनहरीमा स्कुल बसले ठक्कर दिँदा बालिकाको मृत्यु भएको छ । मनहरी गाउँपालिका वडा नं. ६ नयाँबस्ती बस्ने अन्दाजी दुई वर्षीय बालिका पूजा थिङको मृत्यु भएको हो ।
आइतबार दिउँसो मनहरी–६ नयाँ बस्तीमा मनहरी बिलिभर्स इङ्लिस बोर्डिङको ना १ क ९२५० नम्बरको बसले ठक्कर दिँदा गम्भीर घाइते बालिकाको उपचारको क्रममा मृत्यु भएको जिल्ला प्रहरी कार्यालय मकवानपुरका प्रहरी उपरीक्षक विश्वराज खड्काले जानकारी दिनुभयो ।
बसको ठक्करबाट गम्भीर घाइते बालिकाको उपचारको क्रममा हेटौँडा अस्पतालमा मृत्यु भएको उहाँले बताउनुभयो । ठक्कर दिने बस तथा चालक मनहरी–७ बिजौना बस्ने चन्द्रबहादुर तामाङ इलाका प्रहरी कार्यालय मनहरीको नियन्त्रणमा रहेका छन् ।
.jpeg)
Posts
