पुस २८ गते । मुस्ताङको थासाङ गाउँपालिका २ लार्जुङका ६३ वर्षीय पूर्णप्रसाद गौचनको माछा पालन गर्ने पोखरीमा डुबेर मृत्यु भएको छ ।
गौचनको आफ्नै माछा पोखरीमा डुबेर मृत्यु भएको जिल्ला प्रहरी कार्यालय मुस्ताङले जनाएको छ । पोखरीमा डुबेको अवस्थामा मृत्यु भएको भन्दै जानकारी पाए पछि घटनास्थल पुगेको प्रहरी टोलीले आवश्यक घटनास्थल मुचुल्का गरी जिल्ला अस्पताल मुस्ताङमा पोस्टमार्टम गरेपछि सब परिवारलाई बुझाएको थियो ।
मृत्युको कारण डुबेर हुन सक्ने प्रारम्भिक अनुमान रहेको प्रहरीले जनाएको छ ।
दुई छोरीका बाबा पूर्ण घरमा एक्लै बस्दै आएको र आफूले पालेको माछालाई दाना हाल्न जाने क्रममा शनिवार चिप्लेर पोखरीमा डुबेर मृत्यु भएको जस्तो घटना स्थलको प्रकृति हेर्दा देखिएको प्रहरीले जनाएको छ ।
पोस्टमार्टम पछि मृतकको सब सदरमुकाम जोमसोम बस्दै आएकी छोरी नमितालाई बुझाएको प्रहरीले जनाएको छ ।
.jpeg)
Posts
